Еден од најосетливите и најважни аспекти во образованието се платите на наставниците. Во својата предизборна кампања, ДПМНЕ ветуваа достоинствени плати и вреднување на трудот. Но, што добија наставниците во реалноста? Наместо најавеното покачување од 12%, тие добија 5%, а остатокот дури неколку месеци не беше исплатен, со што наставниците практично беа во услови на годишна криза, рече професорот Петре Трајковски, од трибината „Македонија понижена – Една година Влада“.
Тој потенцираше дека кога трошоците за храна, животните трошоци и цените на продуктите растат на пазарот, наставниците се ставени во позиција која навистина ги оневозможува да функционираат нормално во дадениот образовен систем.
-За разлика од платите во другите ресори каде што согласно минималецот платата се зголемува, кај наставниците упорно платата стагнира. Владата очигледно не разбира дека платата не е само бројка – тоа е одраз на вреднување, стабилност и мотивација на наставниците. Наставниците се темел на секоја реформа, а денес се демотивирани, економски притиснати и професионално деградирани, потенцираше Трајковски.
Додека владата предводена од СДСМ во континуитет ги зголемуваше платите, односно за седум години ги зголеми за 53%, притоа обезбедувајќи годишен регрес за наставниците, како и законска регулација на платите, новата власт се обидува да купи време со делумни зголемувања и разни изјави за разликата во џебот, но уште повеќе ја загрозува достојноста.
-Кога ќе направиме споредба со претходниот период, не можеме да не ја споменеме севкупната заложба на владата предводена од СДСМ. Затоа, наша обврска не е само да критикуваме, туку и да понудиме визија – со јавна транспарентна расправа, вклучување на стручната јавност, враќање на довербата во институциите и цврста заложба за наставниот кадар, учениците и сите чинители во образовниот процес, за да се избориме за образование кое ќе биде алатка за еднакви шанси, а не само привилегија за неколкумина, рече Трајковски.
ПОПУЛАРНО НА ИНТЕРНЕТ...
