Пратеникот на СДСМ, Миле Талевски на денешната прес конференција ја повика владејачката ВМРО-ДПМНЕ да одговори колку пари во форма на донации земале од осомничените за трагедијата во Кочани.
„Ќе каже ли ВМРО-ДПМНЕ колку пари во форма на донации земале од осомничените од Пулс?“ запраша Талевски.
Тој повторно посочи дека одговорноста за трагедијата мора да почне од министерот Панче Тошковски и директорот на БЈБ Александар Јанев.
„А кој ги постави сите овие началници, одговорни полицајци, надлежни полициски службеници? Кој им давал наредби? Тошковски и Јанев. Затоа одговорноста мора да почне од нив“, изјави Талевски, додавајќи дека Мицкоски и Тошковски со месеци се обидуваат да ја прикриваат вистината за трагедијата во Кочани
Тој најави и продолжение на иницијативата на СДСМ под наслов „Вистината за Кочани 2“, во кое како што рече ќе следуваат нови факти, аргументи и информации.
