Пред околу два месеци британски „Метро“ објави дека Лабуристите наводно разгледуваат планови за испраќање на одбиени баратели на азил во центри за притвор на Балканот.
Се тврди дека бегалците би можеле да бидат депортирани во „центри за враќање“ во земји како Македонија, Србија, Босна и Албанија, доколку нивните барања за азил во Велика Британија бидат одбиени.
Според пишувањата, Владата на Кир Стармер го изготвила предлогот во обид да ги одврати луѓето од обидот да го преминат Каналот со мали чамци, објавува The Times, пренесе Metro.
Плановите – кои беа критикувани од хуманитарните организации – предвидуваат Велика Британија да им плаќа на балканските земји за секое депортирано лице, пишува медиумот.
Околу 5.000 мигранти на мали чамци се пресретнати и донесени на брегот од страна на граничните сили од почетокот на 2025 година, што е за 24% повеќе од ова време минатата година.
Се известува дека балканските центри потенцијално би можеле да сместат одбиени баратели на азил од земји кои Велика Британија ги смета за небезбедни, како што се Авганистан и Иран.
Тие исто така би можеле привремено да ги задржат одбиените баратели на азил и од земји кои се сметаат за безбедни, како што се Виетнам и Индија.
ПОВЕЌЕ ОД ИНТЕРНЕТОТ...
