Во рамки на активностите за изградба на нови улици и патишта, деновиве беше извршено комплетно асфалтирање на улица „119“ во населба Јака, во вкупна должина од 550 метри, тротоар од 1,5 метри и широчина на коловоз од 6 метри, како и систем за зафаќање на атмосферските води од коловозот.
Градоначалникот на Општина Илинден, Александар Георгиевски заедно со пратеници, советници, директори направија увид на асфалтираната улица и истакна дека
Општина Илинден е во сериозна градежна офанзива каде се работи на повеќе проекти, а изградбата на улица „119“ е од големо значење за жителите од овој дел на општината. Тој додаде дека локалната самоуправа континуирано работи на подобрување на патната инфраструктура во сите населени места со цел подобрување и обезбедување поквалитетни услови за живеење на сите жители.
Дополнително градоначалникот додаде дека изградбата на улица „119“ е дел од проектите кои ги финансира Владата, а со проектите е опфатена изградба на нов плочаст мост и сервисна улица 500, како и изградба на фекална канализавија, крак К4 во Кадино и реконструкција на локалниот пат Бујковци-Мршевци. Средствата за реализација на овие проекти се 70% од Владата на РМ, а 30% од Буџетот на Општина Илинден.
Општина Илинден и во наредниот период останува посветена на реализација на проектите кои се во фаза на реализација но и отпочнување на нови проекти со цел квалитетни и современи услови за живот на сите граѓани.
