Нов крвав ден во Скопје. Утрово според познатите информации во скопската населба Волково, кираџија го убил газдата на куќата во која живеел, го повредел малолетниот син на сопственикот и потоа си пресудил на себе.
Целата драма според информациите се случила утрово, а во МВР трагедијата била пријавена во 9 часот.
Во полицијата било пријавено пукање од огнено оружје, при што неколку лица биле повредени. Полицајците излегле на терен и констатирале дека Р.Ц. и М.Н. починале на местото на смртта, а тоа го потврдил и лекар од итната медицинска помош.
Во инцидентот со повреди се здобил малолетник кој бил пренесен во клиниките Мајка Тереза.
МВР презема мерки за да го расчисти овој случај.
