Министерот за култура, Никола Селаковиќ, денеска изјави дека се чувствува добро, откако синоќа бил нападнат од непознато лице, кое го удрило во главата. Нападот се случил додека Селаковиќ одел на пат кон родителите, околу 22 часот.
„Одев од станот во кој живеам со моето семејство за да ги посетам моите родители. Тоа беше во вечерните часови, околу 22 часот. Човекот ме навредуваше, ме пцуеше, зборуваше како ќе нè набие на кол, кога велам на нас, мислам на нас членовите на СНС, како што се изразуваше со вулгарни и непристојни изрази. Кога се свртев за да разговарам со него, ме удри и избега“, изјави Селаковиќ.
Министерот за култура додаде дека бил удрен во главата, на левата страна од носот, и дека имал расекотина во пределот на левата слепоочница. По нападот, Селаковиќ отишол во полиција за да го пријави инцидентот./Извор:Makfax
