Ни загорчи и чорбата и кафето – Забележано ново поскапување на угостителските услуги од 6 отсто

Според податоците на Државниот завод за статистика, цените на угостителските услуги во февруари 2025 година се зголемени за 0.4 % во споредба со јануари 2025 година.

Во однос на февруари 2024 година, цените на угостителските услуги бележат раст од 6.0 %.

Кумулативно, во периодот јануари – февруари 2025 година, цените се зголемени за 5.9 % во споредба со истиот период минатата година, додека во однос на декември 2024 година, порастот изнесува 0.4 %.