Интегрален текст од денешната прес-конференција на СДСМ, Богданка Кузеска-портпаролка:
Почитувани граѓани,
Веќе видени, стари инкриминиари кадри на ДПМНЕ од времето на режимот ќе го советуваат премиерот Мицкоски.
Наместо промени и реформи кои ги ветуваше Мицкоски донесе рециклиран режим, верзија 2.0.
Поранешниот министер за финансии, Зоран Ставревски, познат по катастрофалните политики „немаме за леб а трошиме за чоколадо“, кои ги осиромашија граѓаните и секако фразата „ние сме лудаци“ кажана лично од него.
Какви совети може да дава Ставревски? Па еве веќе гледаме, луѓето немаат за леб, се поскапува а владата сака да купува авион.
Наместо за граѓаните владата на Мицкоски се грижи за својот луксуз.
Платите на работниците не се доволни за да ја покријат синдикалната кошничка. Дебаклот на политиките со кошничките на власта ги наполни џебовите на големите трговци а ги испразија џебовите на граѓаните.
А ДПМНЕ ги кара граѓаните да не бараат покачени плати.
Меѓу советниците на Мицкоски е и обвинетиот и амнестиран поранешен вицепремер Владимир Пешевски. Познат и како „дил ориентед“ стручњак за „оф шор“ дестинации, проценти и провизии. Јасно е уште сега за кои стратешки прашања ќе го советува Мицкоски.
И поранешениот претседател на Собранието, Трајко Велјановски ќе го советувал Мицкоски.
Ова е потврда дека сите погрешни, штетни политики на режимот на Груевски живеат во Владата на Мицкоски.
Нема промена во ДПМНЕ и со оваа влада не може да се очкува ништо добро, економијата ќе продолжи да тоне, стандардот на граѓаните да се намалува, додека власта граба пари само за себе.
ПОПУЛАРНО НА ИНТЕРНЕТ...
