Украинскиот претседател Володимир Зеленски денеска изјави дека САД ја зголемуваат испораката на оружје за Киев.
„Многу е важно што САД сега ги зголемуваат резервите. Ова е неопходно за да се изедначи ситуацијата. Благодарен сум на нашите партнери, а темпото на снабдување треба да биде такво што ќе го забави темпото на руските напади“, рече Зеленски во неговото редовно вечерно обраќање, објави „Униан“.
Зеленски истакна дека на Украина и треба повеќе оружје и силна позиција за дипломатија.
Американскиот претседател Џо Бајден претходно изјави дека му наложил на Пентагон да продолжи да ја зголемува испораката на оружје за Украина.
Тој додаде дека во последните месеци Вашингтон префрлил стотици проектили за противвоздушна одбрана во Украина, а уште повеќе се на пат за испорака./Извор:Makfax
НАЈЧИТАНО НА ИНТЕРНЕТ...
