Израелскиот премиер Бенјамин Нетанјаху изјави дека му рекол на францускиот претседател Емануел Макрон дека нема да се согласи со договор за прекин на огнот што не го запира и повторното вооружување и регрупирањето на Хезболах. Макрон повика на прекин на огнот меѓу Израел и Хезболах поддржан од Иран, како и крај на извозот на оружје што се користи во Појасот Газа и Либан.
Макрон предупреди за време на неделниот состанок со министрите дека Нетанјаху не смее „да ги игнорира одлуките на Обединетите нации“, според извештаите на француските медиуми потврдени од еден од учесниците на состанокот.
„Господинот Нетанјаху не смее да заборави дека неговата земја е создадена со одлука на ОН“, рече Макрон, осврнувајќи се на гласањето на Генералното собрание на ОН во ноември 1947 година, кое стави крај на британскиот мандат на Палестина и ја подели земјата на еврејски и арапски држави.
„Премиерот Нетанјаху му рече на претседателот Макрон дека се противи на едностран прекин на огнот, кој нема да ја промени безбедносната ситуација во Либан и ќе ја врати земјата во претходната состојба. Тој нагласи дека Израел дејствува против терористичката организација Хезболах за да ја спречи да се заканува на Израел граѓаните на северната граница и да им се овозможи безбедно да се вратат во своите домови“, се вели во соопштението на кабинетот на израелскиот премиер.
Франција ги отфрли барањата на Нетанјаху мировната мисија на ОН, позната како УНИФИЛ, да се повлече од своите позиции во Либан, додека Франција го повика израелскиот амбасадор поради инцидентот во кој израелските војници отворија оган врз три мировни позиции на ОН во јужен Либан.
Нетанјаху, наводно, бил изненаден од намерата на претседателот Макрон да биде домаќин на конференција во Париз за прашањето на Либан, со учесници како Јужна Африка и Алжир, „кои работат на тоа да му го ускратат на Израел неговото основно право на самоодбрана и со тоа да го отфрлат неговото право на постои“.
Во пораката до Макрон, канцеларијата на Нетанјаху, исто така, во посебна изјава рече дека државата Израел е основана преку „војната за независност со крвта на нашите херојски борци, од кои многумина го преживеаја Холокаустот“. Се додава дека во последните децении ОН одобриле стотици антисемитски резолуции против Израел./Извор:Makfax
