Centar.mk – Вести, бизнис, забава, спорт…
Фото Владина прес служба на Израел
СВЕТ

Нетанјаху: Ќе продолжиме да го напаѓаме Либан

Израелскиот премиер Бенјамин Нетанјаху најави дека неговата земја ќе продолжи со нападите врз Хезболах во Либан.

„Ќе продолжиме да го напаѓаме Хезболах. И му велам на либанскиот народ: нашата војна не е против вас, нашата војна е против Хезболах“, рече Нетанјаху во видеото објавено од неговата канцеларија.

Министерот за одбрана Јоав Галант даде слични забелешки претходно во говорот пред војниците: „Мораме да продолжиме додека не ја постигнеме нашата цел: да обезбедиме безбедно враќање на жителите на северен Израел во нивните домови“.

Галант додаде дека либанското движење, кое е поддржано од Иран, претрпе сериозни удари во текот на изминатата недела: „Денешниот Хезболах не е ист како оној што го знаевме пред една недела“.

Прекуграничната размена на оган меѓу Хезболах и израелската војска започна по почетокот на војната во Појасот Газа меѓу Израел и Хамас, предизвикана од нападот на палестинското исламистичко движење на 7 октомври на израелска територија.

Хезболах тврди дека истрелува ракети кон Израел како поддршка на Хамас, неговиот сојузник./Извор:Makfax

Можеби ќе ве интересира

Орбан: Го почитувам Зеленски, но мислам дека направи грешки

C +

Канада најави дека ќе ја признае Палестина

C +

Авион со 288 патници наишол на силни турбуленции над САД: 25 повредени

C +