-ВМРО-ДПМНЕ и ЗНАМ треба да се охрабрат и да го поддржат Законот за бранителите, затоа што со овој закон се излегува во пресрет на реалните потреби на преживеаните, на бранителите со инвалидитет и на семејствата кои ги загубиле најблиските, рече денеска Богданка Кузеска, портпаролка на СДСМ.
-Ако Мицкоски вели дека ВМРО-ДПМНЕ дава недвосмислена поддршка за Законот бранителите, има можност тоа да го докаже. Прво да не коленичи туку да му се јави на Гаши да го почитува Деловникот на Собранието и да го стави Законот на комисиска расправа. Потоа да ги повика пратениците на ВМРО-ДПМНЕ и ЗНАМ да гласат во македонското Собрание. Законот може да се донесе ако пратениците на ВМРО-ДПМНЕ и ЗНАМ гласаат ЗА. Во спротивно ќе погазат уште ветување и ќе ги извисат бранителите, рече Кузеска во одговор на новинарско прашање.
ПОПУЛАРНО НА ИНТЕРНЕТ...
