8. септември 2025
Centar.mk – Вести, бизнис, забава, спорт…
МАКЕДОНИЈАвест

Забрчанец: Регионалната соработка на Западен Балкан е можна само ако опстојат доволен број прогресивни политички претставници и лидери

„Регионалните иницијативи може да бидат многу податливи за зелените политики, особено ако се има предвид дека зелените политики припаѓаат во спектарот на прогресивни и либерални политики. Имено, регионалната соработка на Западен Балкан е можна само ако во шесте држави има доволен обем претставници и лидери кои припаѓаат на прогресивните опции“ рече Националниот координатор за Отворен Балкан и за регионални иницијативи, Марјан Забрчанец, во интервју за „Цивил медиа“.

Тој додаде дека регионалните инвестиции во производство на енергија од обновливи извори, како што е инвестицијата во гасната централа и гасоводот Александропули, се пример за тоа дека соработката може да води до унапредена регионална зелена економија.

„Западен Балкан има капацитет да привлече големи енергетски инвестиции со кои ќе се користат сонцето и ветрот за производство на струја, како обновливи извори кои на овие простори ги имаме во изобилство“ рече Забрчанец.

Тој додаде дека предуслов за тоа е регионот сѐ повеќе и повеќе да станува единствен пазар, да се отстрануваат економските бариери и граници и да се обезбедува што е можно повеќе слободен проток на луѓе, услуги, производи и стоки меѓу шесте држави, но и меѓу регионот и земјите членки на ЕУ.

Можеби ќе ве интересира

Димковски: Лозарите мака мачат, ВМРО-ДПМНЕ да го прифати решението на СДСМ за дополнителни 3 денари за килограм грозје

C +

СДСМ до ВМРO-ДПМНЕ: Ако СДСМ прислушувала, зошто се плашите да декласифицирате?

C +

СДСМ: Ако СДСМ прислушувала, зошто се плашите да декласифицирате?

C +