„Сакам согласно резултатите кои досега ги видовме да им честитам на победниците и да им посакам успешна работа во следните 4-5 години. Мојот концепт за мултиетничка Македонија, целосно интегрирана во евроатлантските структури, денес за жал не доби мнозинска поддршка од граѓаните, но јас сум длабоко уверен дека само таква Македонија може да биде просперитетна, и демократска држава,“ изјави на прес конференција кандидатот за претседател на Република Северна Македонија, Стево Пендаровски.
Тој посочи и дека , неговата совест е мирна. Но и дека не е сигурен дали совеста им е мирна и на оние кои тргнувајќи од тесно партиски, лични и политички интереси, денес ефективно спречија илјадници наши граѓани, да го земат и второто ливче и да гласаат на претседателските избори.
„Меѓутоа реков резултатите наспроти се, се јасни и уште еднаш им посакувам успех на оние кои денеска ја добија мнозинската доверба на македонските граѓани,“ порача Пендаровски.
