„Имаме обврска ради генерациите кои доаѓаат да ја чуваме жарта за општествени промени да тлее. По сите жртви што ги направивме како прогресивна и државотворна партија не е дозволиво да потклекнеме пред старите режмиски политики. Ако сега се откажеме од борба, тоа е уништување на иднината на многу генерации“ рече носителот на листата во ИЕ4 од СДСМ и Коалицијата за европска иднина, Венко Филипче на митингот во Неготино.
Тој додаде дека борбата е тешка, но должност е повторно да се избориме и СДСМ да одработи за подобар изборен резултат.
„Свесни сме дека кај народот има разочараност, граѓаните се уморни чекајќи го клучот за Европа. Дадовме многу, а се бара уште, но СДСМ секогаш гледа подалеку од дневнополитичките интереси“ рече Филипче.
Тој додаде дека СДСМ е единствената партија која и покрај сите грешки, секогаш како водилка го има интересот и развојот на државата и токму затоа СДСМ е потребен на граѓаните.
