„Во интерес на граѓаните, носиме голема и крупна промена. Македонските државни компании ќе ги отстапиме на граѓаните, за тие да станат сопственици. Започнуваме со државните енергетски компании“ рече претседателот на СДСМ, Димитар Ковачевски на централниот митинг во Скопје.
Тој додаде дека буквално секој граѓанин ќе добие акции и ќе има глас во управувањето на овие компании.
„100 процентно ќе го зголемиме инсталираниот капацитет за енергија од обновливи извори. Во 2028 година, сакаме да постигнеме целосна енергетска независнот и да не зависиме од увоз“ рече Ковачевски.
Претседателот на СДСМ додаде дека неговата партија има план за обезбедување на чиста и зелена Македонија, преку затворање на сите диви и нестандардни депонии, забрана за изградба на мали хидроцентрални во заштитени подрачја и Национални паркови и дислокација на сите загадувачи од големите градски центри.
