„Бидејќи градиме Армија на среќни луѓе и задоволни граѓани, градиме солидарна Армија, ќе изградиме станови за сите самохрани родители вработени во одбраната и Армијата, како и за членовите на семејствата на загинатите и починати припадници на безбедносните сили и вработени во одбраната кои немаат решено станбено прашање“ рече министерката за одбрана и носителка во ИЕ6, Славјанка Петровска на промоцијата на програмата „Програма за европска иднина“.
Таа додаде дека со цел да се обезбеди подобар баланс меѓу семејниот и професионалниот живот, за вработените во одбраната ќе се обезбеди грижа за нивните најмили преку организирање и екипирање на детски катчиња во касарните и другите објекти.
„Целосна реконструкција на воените камп во Свети Наум во Охрид и Стар Дојран каде секој вработен ќе добие право на бесплатно сместување за семеен одмор“ рече Петровска.
Таа додаде дека и Домот на Армијата ќе биде целосно реновинан и ќе добие лик на модерен, современ конгресен центар.
