14. октомври 2025
Centar.mk – Вести, бизнис, забава, спорт…
фото Centar.mk
МАКЕДОНИЈАвест

СДСМ: Листа за блокада на ЕУ, тоа е понудата на ДПМНЕ со 80% исти пратеници

-Составот на кандидатските листи за пратеници од ДПМНЕ потврди дека нема никаква промена во оваа партија, соопшти СДСМ.

„Понудата на ДПМНЕ е листа за блокада на европскиот пат на државата.

Над 80% од предложените кандидати за пратеници се истите кои досега спроведуваа активна блокада на македонското Собрание.

Во време на криза во парламентот ја блокираа помошта за граѓаните и компаниите.

Беа против минималната плата и раст на платите и против членството на државата во ЕУ.

Тропаа и вревеа со вувузели во парламентот.

Граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.

Со истите лица на листите Белата палата потврдува дека со ДПМНЕ е можно само враќање назад.

Во ДПМНЕ нема никаква промена и не можат да донесат никакви промени на подобро, напротив.

Затоа, кристално јасно е, изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ.“ – се вели во соопштението.

Можеби ќе ве интересира

Заменик министерот за внатрешни работи д-р Исени од 23. Регионален состанок на Мрежата на експерти за огнено оружје од Југоисточна Европа: Преку континуирана дигитализација на административните процеси до модернизација на системите за контрола и надзор

ДЕСК

Уставниот суд организираше тркалезна маса за клучните елементи на Нацрт-закон за Судот

ДЕСК

Костова побара поддршка за Шапов и советничката листа на СДСМ, да продолжи Богданци да се развива

ДЕСК
error: Соддржината е заштитена.