„Лага е дека можеме да преговараме и да очекуваме подобри услови за нешто што веќе го имаме на маса: заштитен македонски јазик и идентитет. Тој што заговара репреговарање во суштина заговара отворање на потврдениот македонски јазик во ЕУ. Кому му пречи потврдениот македонски јазик и идентитет во ЕУ?“ запраша вицепремиерот за европски прашања Бојан Маричиќ во интервју за „Локално“.
Тој додаде дека врз основа на Договорот од Преспа веќе се впишани идентитетот и јазикот во личната карта на ОН и други меѓународни организации.
„Кој што сака може да каже, но тоа што имаме е прифатена и усвоена од Бугарија и од цела ЕУ преговарачка рамка, со заштитен македонски јазик и идентитет“ рече Маричиќ.
Вицепремиерот додаде дека несериозно е да се порекне и „плукне“ на сето она што ЕУ и иЕК го направија за нас и за обезбедување почеток на преговорите.
„Ако така постапиме, ако порекнеме сѐ, на Бугарија ќе ѝ дадеме шанса дополнително да собира поени на македонското прашање кога веќе имаме чиста ситуација во нашиот македонски јазик и тоа за прв пат во историјата на нашите односи со Бугарија“ рече Маричиќ.
