Корисниците ширум светот пријавуваат проблеми со социјалните мрежи Фејсбук и Инстаграм.
Овие социјални мрежи не работат за многу корисници, а според веб-страницата DownDetector, проблемот со Фејсбук е што луѓето не можат ни да се логираат, додека кај Инстаграм се појавува пораката „Нешто тргна наопаку“.
За Инстаграм повеќе од 56.000 корисници пријавиле проблеми, а најмногу проблемот е што останале најавени, но нивните објави на почетната страница не се вчитуваат.
Што се однесува до Фејсбук, тој е во уште поголем проблем – за 45 минути 350.000 луѓе напишале дека не им работи, а проблемот е најмногу што се „одлогирани“ па не можат повторно да се логираат, па пишува дека лозинката е неточна. Дополнително, не работи ниту Фејсбук Месинџер, како логичен редослед на околности, ниту пак апликацијата Тредс.
Сите овие социјални мрежи се во сопственост на Мета, а технолошкиот гигант допрва треба да излезе да каже што се случува.
