10.8 C
Скопје
28. февруари 2024
Centar.mk – Вести, бизнис, забава, спорт…
+МАКЕДОНИЈА

Ја зголемивме просечната пензија за 6.400 денари, велат од СДСМ

-СДСМ води вистинска грижа за пензионерите и го враќа достоинството на нашите највозрасни сограѓани. Просечната пензија денес е над 20.100 денари што е за 6.400 денари повеќе во однос на 2016 година, во време на ДПМНЕ, кога просечната пензија изнесувала нешто над 200 евра. Минималната пензија пак денес изнесува 13.100 денари, што е за 4.300 денари повисока во однос на 2016 година, односно за речиси 50%, соопшти СДСМ.

-Пензионерите денес добиваат во просек по 6.000 денари повеќе, во однос на времето на владеење на ДПМНЕ, кои на пензионерите се сеќаваа само пред избори.

Со СДСМ пензиите ќе продолжат да растат, независно од ничија политичка волја, благодарание на воспостваената методологија за усогласување на пензиите, донесена низ дијалог и соработка со пензионерите.

СДСМ не дозволи пензионерите сами да се справуваат со кризите. Во рамките на последниот деветти пакет антикризни мерки во вредност од 662 милиони евра, е предвидена финансиска поддршка за 187 000 пензионери во вредност од 35 милиони евра, со што пензионерите добиваат од 1 500 до 3 000 денари месечно во наредните 5 месеци.

СДСМ ги реализираше ветувањата за редовно зголемување и исплаќање на пензиите и ќе продолжи со мерки, со кои на пензионерите им обезбедува пристојна старост, се вели во соопштението.