Министерот за здравство Фатмир Меџити вели дека пукањето пред болницата во Тетово било поради лични нерачистени проблеми меѓу инволвираните лица и нема никаква поврзаност со болницата.
Според информациите од полицијата, тешки телесни повреди добиле А. М. (41) и З. М. (36) од тетовското село Гајре. Двајцата повредени се наоѓаат на КАРИЛ, а министерот рече дека едниот е во потешка состојба од другиот.
Приведени беа четири лица за пукањето, а по едно сѐ уште едно се трага.
Како што информираа од СВР Тетово, синоќа се приведени Р. Т. (35) и М. Т. (44) од Тетово, а пред тоа и 55-годишната тетовка Ш. Е. и Н. М. (39) поради сомнение за нивна инволвираност во пукањето што се случи околу 18 часот.
Јавен обвинител и екипа од СВР Тетово извршиле комплетен увид и се расчистува и документира случајот.
ПОПУЛАРНО НА ИНТЕРНЕТ...
