Министерот за здравство Фатмир Меџити изјави дека деновиве го чека извештајот од комисијата за случајот со починатата 26-годишна родилка од Делчево.
„Формиравме стручна комисија, тоа се експерти што имаат програма на работа и мислам дека идната недела ќе биде извештајот и ќе се расчисти овој случај“, изјави Меџити.
Родилката, која почина на 26 декември на КАРИЛ во Скопје, беше донесена во лоша здравствена состојба од штипската Клиничка болница.
Стручната комисија, која беше формирана по препорака на инспекторите на Државниот санитарен и здравствен инспекторат (ДСЗИ), треба да ги утврди начинот на лекување и дали се направени пропусти од страна на лекарите и медицинскиот персонал.
Бебето е во добра здравствена состоја и веќе два дена е дома.
