„Бидејќи вистински го цениме трудот на работниците, за работниците во приватниот сектор обезбедивме поддршка за поголеми плати. Со мерката за зголемување на платите во вработените во приватните компании, отвораме можност за покачување на платите од 3.000 до 9.000 денари“ рече премиерот Димитар Ковачевски во интервју за „Цивил“.
Тој додаде дека исто така продолжува и мерката за „Мој ДДВ“, која сега е со зголемен праг за исплата до 2100 денари.
„Ќе ја споменам и мерката за „Мој ДДВ“, за која го зголемивме прагот до 2.100 денари и со оваа мерка се опфатени 540.000 корисници. Ги враќаме парите назад кај граѓаните и само преку оваа мерка се вратени над 110 милиони евра назад кај граѓаните“ рече Ковачевски во интервјуто.
Тој исто така кажа дека земјоделците за прв пат добиваат авансна исплата на субвенциите, по програми за тековната година согласно новиот модел за субвенционирање воведен од Владата.
„Сите 40.000 земјоделци кои се стекнале со право за субвенции, ќе добијат авансна исплата на 30 проценти од субвенциите, исто така до крајот на овој месец“ рече Ковачевски.
