Вчеравечер околу 22.00 часот во Гостивар, полициски службеници на СВР Тетово-Одделение за внатрешни работи во Гостивар ги лишиле од слобода 23-годишниот гостиварец С.Т. и 19-годишната Ј.В. од Република Србија, соопшти МВР.
При претрес во неговиот дом во Гостивар, извршен со судска наредба, а во кој била затекната и Ј.В., биле пронајдени и одземени марихуана и кокаин. Двајцата се задржани во Полициската станица Гостивар за целосно расчистување и документирање на случајот, по што против нив ќе следуваат поднесоци, соопшти полицијата.
