Приведен крадец за издржување двегодишна затворска казна

На 9.11.2023, во 18.10 часот, на улицата Ѓорче Петров во Скопје, Оперативниот тим потраги го лиши од слобода М. Б. (50) од Скопје.

Тој бил баран по централна потерница врз основа на наредба од Основниот кривичен суд Скопје, осуден на казна затвор во времетраење од две години во врска со чл. 235 од Кривичниот законик.

Лицето е предадено во Полициската станица Ѓорче Петров по што ќе биде спроведено во казнено-поправна установа за издржување на казната.