12. октомври 2025
Centar.mk – Вести, бизнис, забава, спорт…
МАКЕДОНИЈАвест

ОКТА со поддршка на кампањата „Помислете на нас“ на Црвениот крст на Град Скопје

ОКТА АД – Скопје со донација на пакети храна наменети за ранливите категории граѓани и годинава се вклучи во кампањата по повод Денот на гладта, која што под мотото „Помислете на нас“ ја организира Црвениот Крст на Град Скопје.

Како општествено одговорна компанија, ОКТА во континуитет иницира проекти за поддршка на ранливите категории граѓани и на тој начин придонесува во општеството. Во таа насока компанијата повеќе од 15 години активно соработува со хуманитарната организација Црвен крст на град Скопје и редовно е дел од оваа кампања. Овој пат, покрај донацијата на 75 пакети храна, во чија подготовка помогнаа вработените во компанијата, организацијата на Црвениот крст при ОКТА, која што постои 41 година, ја организираше и третата годишна крводарителска акција. Вработените даруваа крв во просториите на компанијата, со што дополнително придонесоа кон потикнување и промовирање на хуманите вредности.

Светскиот ден на храната се обележува од 1979 година, а е воспоставен од Организацијата за храна и земјоделство при Обединетите нации (ФАО). Главна цел на ФАО е да се поттикне континуирана интернационална акција за сузбивање на гладта и обезбедување редовен пристап до оброк за сите луѓе кои што на тој начин ќе можат да водат активен и здрав живот.

Можеби ќе ве интересира

Николоски од Охрид: Кирил Пецаков ќе има историски најголема победа, реализираше бројни проекти и покрај тоа што три години се соочуваше со опструкции

ДЕСК

Филипче повика на мобилизација: Ова не се обични избори, ова е морална битка за Македонија

ДЕСК

Мицкоски: ВМРО-ДПМНЕ нуди програма и проекти, додека СДС-ДУИ-Левица излегуваат со најцрната и најмизерната кампања што некогаш Македонија ја видела

ДЕСК
error: Соддржината е заштитена.