Вчера, околу 10 часот, во ОВР Прилеп, 73-годишниот Б. Н. од Прилеп пријавил дека во неговата нива на местото наречено Долно Садово, Прилепско, пронашол артилериска граната во калибар од 75 мм и едно панцирно зрно од Првата светска војна, извести МВР. Од стручно лице од Дирекцијата за заштита и спасување експлозивна направа била подигната за понатамошна постапка. Увид бил извршен.
Полицијата исто така извести дека, вчера, во 10.04 часот, во СВР Битола било пријавено дека при изведување градежни работи на улицата Димитар Илиевски-Мурато во Битола биле пронајдени две рачни гранати во калибар од 60 мм од Првата светска војна.
Од стручно лице од Дирекцијата за заштита и спасување експлозивните направи биле подигнати за понатамошна постапка. Увид бил извршен, додаваат од МВР.
