Цените на нафтата денеска пораснаа, бидејќи очекувањата за слаба понуда на овој енергенс до крајот на годината ја неутрализираа загриженоста за инфлацијата.
Меѓународната агенција за енергија соопшти дека Саудиска Арабија и Русија го продолжија намалувањето на производството на сурова нафта од 1,3 милиони барели дневно до крајот на оваа година, што ќе доведе до значителен дефицит на пазарот во текот на четвртиот квартал.
Аналитичарите на Банката на Америка велат дека континуираното намалување на понудата може да ја поттикне цената на нафтата од типот Брент над 100 долари за барел пред крајот на годината.
Референтните цени на нафтата „брент“ поскапеа за 40 центи, на 92,46 долари за барел, додека барел американска нафта WTI поскапе за 41 цент, на 89,25 долари.
НАЈЧИТАНО НА ИНТЕРНЕТ...
