Вчера, во 15.30 часот, во СВР Тетово е пријавено дека во месноста Церипашина на Попова Шапка, четирицикл „кавасаки“, со тетовски регистарски ознаки, управуван од 44-годишниот тетовец А. Х., а на кој се превезувала и 41-годишната тетовка Е. Х., изгубил контрола и се превртел, извести СВР Тетово.
„Во несреќата двајцата добиле повреди и биле пренесени во тетовската Клиничка болница за укажување лекарска помош“, соопшти СВР Тетово.
На местото на несреќата увид извршила екипа од Секторот за внатрешни работи Тетово.
