Областите и градовите со највисоки просечни плати се во Западна Германија, додека оние со најниски плати се во Источна Германија.
Западногерманските градови Инголштад (5.282 евра) и Волфсбург (5.238 евра) се на врвот на листата на градови со највисоки плати во Германија. Најниски просечни плати имаат оние кои живеат во областите Герлиц (2.650 евра) и Шнеберг (2.651 евро) во Саксонија.
Според германските медиуми, децении по обединувањето на Германија, постојат значителни разлики меѓу платите на запад и платите на истокот на земјата. Дури 71 отсто од источногерманските квалификувани работници заработуваат помалку од нивните колеги на Запад. Особено во големите компании платите речиси и не се менуваат во последните години.
Податоците покажуваат дека 38 отсто од работниците добиле помалку пари од неквалификуваните работници од Запад.
Намалувањето на јазот меѓу платите во Германија
Статистичките податоци покажуваат дека разликата меѓу просечните плати на истокот и западот од државата се намалила за само 47 евра од 2000 до 2022 година.
Во 2000 година таа разлика изнесувала 642 евра, а на крајот на 2022 година 595 евра, пренесува магазинот Феникс.
Во компаниите со повеќе од 250 вработени, јазот меѓу Истокот и Западот во овој период дури се зголемил за 161 евро, пренесува Fenix Magazine.
Кога станува збор за разликата меѓу платите меѓу Истокот и Западот на годишно ниво, според германските медиуми, таа изнесува речиси 13.000 евра.
Во 2021 година разликата во платите меѓу истокот и западот на Германија, според медиумите, изнесувала 12.173 евра.
