„Ако ја видите денешната прес конференција на претставникот на САД тој јасно кажува дека партнери на САД се тие кои што се за НАТО интеграции, ЕУ интеграции и за владеењето на право. Она што ние го делиме како вредности во владината коалиција и политички партии и лидерите на политичките партии во оваа коалиција“ рече премиерот Димитар Ковачевски во „10 минути“ на ТВ21.
Тој додаде дека некои од партиите во владината коалиција имаат полиберална визија за економијата, некои имаат поконзервативна, некои посоцијална, но сврзно ткиво се НАТО интеграцијата и евроинтеграцијата.
„Секогаш нашата држава ја воделе две јасни цели во поглед на меѓународното етаблирање на државата – членството во НАТО и членството во ЕУ. Ние таа јасна визија не смееме да ја изгубиме бидејќи граѓаните сакаат да видат држава која е дел од ЕУ“ рече Ковачевски.
Премиерот додаде дека важно е проевропскиот фронт да биде силен, цврст и решен да го води процесот до финално зачленнување на Северна Македонија во ЕУ.
