Советничката група на СДСМ иницира одржување вонредна седница на Советот на Град Скопје и предлага мерки поради состојбата со ѓубрето во главниот град.
Една од мерките што на седницата в четврток ќе ги предложи СДСМ за решавање на проблемот со ѓубрето е вклучување на сите јавни претпријатија во чистењето.
„Со целиот свој човечки потенцијал, а потоа и со онаа механизација со која располагаат јавните претпријатија, да се вклучат во чистењето за што побргу целосно да се расчисти ѓубрето во Скопје и состојбата да се врати во нормала. Оваа мерка ќе овозможи ЈП ‘Комунална хигиена’ бргу да се врати во секојдневниот работен тек, а ќе превенира и во иднина да не се случува повторно ваков хаос“, велат од СДСМ.
Очекуваат поддршка од сите советнички групи, вклучително и од мнозинството во Советот од ДПМНЕ. Особено што токму ДПМНЕ со своите кадри, велат од владејачката партија, со своите градоначалници во Скопје директно се одговорни и тие го создадоа проблемот.
ПОПУЛАРНО НА ИНТЕРНЕТ...
