Единица за економски и компјутерски криминал при СВР Скопје поднесе кривична пријава против 44-годишната Т. П. Н. од Скопје поради постоење основано сомнение за сторено кривично дело измама и кривично дело фалсификување исправа, извести МВР.
„Пријавената, како вработена во осигурителна компанија во периодот од 2020 до 2021 година, со лажно прикажување факти ја измамила оштетената убедувајќи ја дека доколку ѝ ги даде парите добиени по основ осигурително осигурување во износ од 120.000 денари, може да ѝ го зголеми износот на оштетеното побарување“, соопшти МВР.
Откога ја довела во заблуда оштетената и ги добила парите, Т. П. Н. изготвила и со свој печат и потпис заверила лажен документ на осигурителната компанија, со кој потврдила дека наводно парите се уплатени на сметка на компанијата за потребите на предметот за повторно разгледување и одобрување поголем износ на оштетеното побарување“, се додава во соопштението на МВР.
