11. септември 2025
Centar.mk – Вести, бизнис, забава, спорт…
МАКЕДОНИЈАИЗБОР

Трагедија го потресе Кавадарци: Во страотна сообраќајка почина 20 годишно момче

Почина мотоциклист по добиени повреди од страотната сообраќајна несреќа што се случила рано изутрина во Кавадарци.

Како што соопшти МВР несреќата била пријавена во полиција во 1 часот и 30 минути по полноќ.

Имено, било пријавено дека на улицата „Шишка“, се случила сообраќајна несреќа помеѓу патничко возило Audi со кавадаречки регистарски ознаки, управувано од М.Н. (33) од Кавадарци, патничко возило Toyota со велешки регистарски ознаки, управувано од Д.Г. (18) од Кавадарци и мотоцикл Aprilia со кавадаречки регистарски ознаки, управувано од С.П. (20) од Кавадарци, велат од полицијата.

МВР информира дека во страшната несреќа мотоциклистот С.П. се здобил со тешки телесни повреди и бил пренесен во болницата во Кавадарци каде што во 2:20 часот починал.

Можеби ќе ве интересира

СДСМ: Депониите трујат, ВМРО ДПМНЕ е елементарна непогода за Скопје

C +

Петровска побара декласификација од АНБ: Зошто бил сменет шефот на внатрешната контрола, дали полиграфистот си дал отказ?

C +

Шукова: Вардариште и Дрисла – симболи на распадот во системот за отпад, а ВМРО-ДПМНЕ без решение

C +
БИЗНИС

Народна банка на работна средба со Централната банка на Црна Гора

M T

Делегација на Народната банка предводена од гувернерката Анита Ангеловска-Бежоска, во периодот од 29 до 30 јуни, оствари работна посета на централната банка на Црна Гора, при што се сретна со гувернерот Радоје Жугиќ и неговиот тим.

Најголемо внимание им беше посветено на предизвиците со коишто се соочуваат носителите на политиките веќе подолг временски период, во услови на продолжена глобална криза. Посебен акцент беше ставен и на сѐ повисоката инфлација, којашто тековно е едно од клучните прашања за централните банки. На состанокот заеднички беше заклучено дека ценовните притисоци, особено за малите и отворени економии, се последица на глобалните проблеми произлезени од пандемијата, а поврзани со синџирите на снабдување, во услови на отворање на економиите и нормализација на побарувачката. Исто така, големи притисоци се чувствуваат и преку каналот на сѐ повисоките цени на енергентите и на храната на светските берзи. Овие притисоци дополнително се нагласени со кризата во Украина. Со оглед на долготрајноста на овие случувања, беше увидена потребата од делување преку макроекономските политики заради ублажување на ценовниот раст и спречување на растот на долгорочните инфлациски очекувања.

Прашањето за финансиската стабилност во услови на криза исто така беше тема на разговор на работните средби. Притоа беше заклучено дека и во двете земји банкарските системи покажуваат солидни остварувања и релативно голема отпорност на надворешните шокови во изминатиот период. Високата солвентност, ликвидноста на банките, како и добриот квалитет на кредитното портфолио покажуваат дека банките успешно го минуваат тестот на продолжената криза, при добри појдовни позиции пред почетокот на кризата, здрави политики и прудентна регулатива. Но, имајќи го превид продолжениот карактер и силината на кризата, можни се неповолни ефекти врз реалната економија и преносни ефекти врз билансите на банките, поради што е потребно внимателно следење, здраво управување со ризиците и понатамошно градење на капиталните позиции за справување со евентуалните ризици.

На средбите беа разгледани и можностите и областите каде што двете централни банки може да ја продлабочат својата успешна, долгогодишна соработка, информираат од НБРМ.

Можеби ќе ве интересира

Поевтинуваат секојдневните плаќања за граѓаните и за компаниите

C +

Трамп ја повикува ЕУ да изврши притисок врз Путин со 100 проценти царини врз Кина и Индија

C +

На 8 септември, Маврово ќе биде повторно во знакот на Халк Вело Грин

C +