Три лица се повредени во сообраќајна несреќа што се случила вчера на магистралниот пат Крива Паланка – Куманово, атар на с. Псача, општина Ранковце.
Несреќата се случила меѓу автомобил „тико“, со кривопаланечки регистарски ознаки, управувано од З. К. (52) од Крива Паланка, и товарно возило „мерцедес“ со полуприколка, со српски национални ознаки, управувано од Б. С. (48) од Република Србија.
Во несреќата тешки телесни повреди добиле З. К. и неговата сопатничка М. К. (52) од Крива Паланка, а телесни повреди добил сопатникот од истото возило Д. К. (21) од Крива Паланка, констатирани во Општата болница во Куманово.
Увид на местото на несреќата извршила екипа од Полициската станица Крива Паланка.
