На сослушувањето на Комитетот за надворешни работи на САД за Западен Балкан вчера се кажаа многу позитивни зборови за Северна Македонија, особено од заменик-помошникот државен секретар на САД за Западен Балкан Габриел Ескобар и Дерек Шоле, советникот на Стејт департментот.
-За да ги продолжи своите аспирации кон ЕУ, С. Македонија е посветена да донесе уставни промени за признавање на бугарското малцинство. Силно го поддржуваме овој тежок, но неопходен чекор, изјави заменик-помошникот државен секретар на САД за Западен Балкан Габриел Ескобар.
Тој рече дека Македонија е земја која направила сè што е потребно за да премине на следниот чекор и додаде дека според него го заслужува следниот чекор.
Со истиот став е и Дерек Шоле, советникот на Стејт департментот, кој беше поосар во реториката и запраша што всушност досега Македонија доби за сето тоа што го покажа и го направи:
-Кажете ми малку за тоа кои се опипливите придобивки што би ги добила Македонија со влезот во ЕУ? Зошто е навистина важно за нив некако да ги решат нивните разлики со Бугарија за да можат да влезат во Европската унија, праша Шоле.
-Тие треба да донесат некои тешки одлуки во однос на уставните промени кои од нив се бара да ги направат. Тие се подготвени да ги направат тие промени, но политиката е тешка. И тоа што треба да слушнат од сите нас е нашата поддршка да ги направат овие промени кои би изгледале минорни, но се политички доста тешки, а тоа ќе помогне да се отклучи следната фаза од нивниот процес за пристапување во ЕУ, рече Шоле.
Комитет за надворешни работи на Сенатот на 🇺🇸.
Сослушување: Западен Балкан.
Состојби во 🇲🇰🇲🇪🇧🇦🇷🇸 и 🇽🇰 и регионот.🇺🇸@StateDept: @CounselorDOS Дерек Шоле и @StateEUR Габриел Ескобар.
За 🇲🇰, сведено, две минути. pic.twitter.com/BuA9NnpOas
— КраФТ (@kraft_mk) May 19, 2023
НАЈЧИТАНО НА ИНТЕРНЕТ...
