19.8 C
Скопје
28. мај 2024
Centar.mk – Вести, бизнис, забава, спорт…
БИЗНИСИЗБОР

Американската влада би можела да остане без пари до 1 јуни: Бајден е уверен дека Америка ќе го плати својот долг

Американскиот претседател Џо Бајден денеска изјави дека е уверен оти тој и конгресмените од Републиканската и Демократската партија ќе постигнат договор за буџетот, а американската влада ќе го плати својот долг.

Бајден додаде дека преговарачите ќе се сретнат денеска, и ќе биде во близок контакт со нив.

„Ќе се обединиме бидејќи немаме алтернатива. Да бидам јасен, овие преговори се однесуваат на буџетската рамка, а не дали ќе ги платиме долговите или не“, рече американскиот претседател.

Тој посочи дека лидерите на двете партии се согласиле дека нема да дозволат САД да дојде во ситуација да не може да си ги плати долговите.

Американскиот министер за финансии Џенет Јелен претходно предупреди дека американската влада би можела да остане без пари до 1 јуни доколку Конгресот не го подигне или суспендира горната граница на долгот.

Долгот на федералната влада моментално изнесува 31,4 трилиони долари.