Трагедија во Македонија: Тешка сообраќајка на патот кон Штип, загина 25-годишно момче

Како што соопшти полицијата, синоќа 25-годишник од Карбинци загина во тешка сообраќајна несреќа на регионалниот пат Штип-Плачковица.

Несреќниот настан се случил синоќа околу 21.00 часот помеѓу штипските села Таринци и Нов Караорман, велат од МВР и додаваат дека сообраќајната несреќа се случила помеѓу автомобил „Ауди А5“ со штипски регистарски таблици управувано од 25-годишниот К.Т. од село Карбинци и патничко возило „Хјундаи Аксент” со штипски регистарски таблици управувано од 43-годишниот Д.М. од Стар Караорман.

На лице место починал К.Т. , а смрт констатирал лекар од Итната медицинска помош, додека лицето со иницијали Д.М. се здобил со телесни повреди констатирани во болница.