На денешната 113 Седница на Собранието на Република Северна Македонија која беше резервирана за пратенички прашања, одговарајќи на прашање од пратеникот Зоран Коцевски од ВМРО-ДПМНЕ, министерот за внатрешни работи Оливер Спасовски ја потсети јавноста за случувањата од 27 април 2017 година.
„Многу е интересно што човек како вас во 2017 година упадна во Собранието и беше подготвен со таа група да убива пратеници, денеска има храброст да стане и кажува за чесност, доверба, одговорност. Треба да се потсетите на 2017 година и да кажете фала богу што не бевте дел од истрагите или што се сокривте и што бевте дел од луѓето кои наместо да излезете и кажете ние ве подготвивме да убивате во Собрание, вие ги ставивте во затвор 36 луѓе за кои око не ви мрднува, а ургирате со вашиот лидер да се заштитат оние за парцелите во Делчево. Кога зборувате за крминал треба да имате доблест и да кажете дека сега излегувате и зборувате за крминал, а 2017 бевте дел од луѓето кои влеговте во Собрание, рушевте уставен поредок и сакавте да убивате пратеници”, заврши Спасовски.
