На 26.4.2023, во објект на улицата Даме Груев во Скопје, полициски службеници од Одделението за криминалистички работи при ЕЦР Центар и Бит-пазар ја лишиле од слобода Ж. С. (49) од Скопје. По преземените мерки и активности, било утврдено дека таа на 17.2.2023 во продажен објект на булеварот Никола Карев одзела личен предмет од С. Л. (32) од Скопје. Ж. С. била задржана во полициска станица и во службен разговор го признала делото.
Одземеното било пронајдено и вратено на сопственикот. По целосно документирање на случајот, во координација со јавен обвинител, против неа ќе биде поднесена соодветна пријава.
