„Северна Македонија ќе остане одговорна за заштита на сопствените граници, а силите на ФРОНТЕКС ќе асистираат и помагаат во контролата на граничните премини“ изјави евроамбасадорот Дејвид Гир на свеченоста за почнувањето на операцијата ФРОНТЕКС во земјава.
Тој порача дека Северна Македонија и ЕУ се приближуваат едни кон други по почетокот на преговорите минатиот јули и дека од денес граничнат асоработка станува посилна, пооперативна и поопилива.
„ФРОНТЕКС значи подобрено управување на незаконската миграција и поефективна контрола на границите. Силите на ФРОНТЕКС ќе бидат распределени тука и ќе работат со нивните македонски колеги за да спречат нелегална миграција и криминални активности“ рече Гир.
Според евроамбасадорот овие заеднички напори за контрола на границите ќе донесат придобивки за Северна Македонија, за ЕУ и за сите наши граѓани.
