Почнува да се реализира проектот за изградба на коридорите 8 и 10, а ќе го гради американско-турскиот конзорциум Бехтел и Енка.
Не успеа хистеријата за рушење на проектот која наликува на спонзорирана кампања, а многумина тврдат дека тоа е заради тоа што во игра е американска компанија, а нарачателот на минирањето на мега-проектот е од спротивната страна.
-Коридорите 8 и 10 Д ќе се изградат и ќе ги разочараме оние што не веруваат во најголемиот инфраструктурен проект во државава, а тоа се оние истите кои не веруваат дека ќе станеме членка на НАТО. Има потпишан договор на 400 страници во кои се дефинирани сите обврски, како наши, така и на изведувачот. Што се однесува до неговата тајност, ќе повторам дека сите договори кои се дел од работата на ЈПДП носат назнака за деловна тајна и доверливост, бидејќи содржат технологии на работа, структури на управување и поради заштита од конкуренцијата овие договори се такви – рече премиерот Димитар Ковачевски.
Ковачевски додаде дека вчера Владата го овластила ЈПДП да го достави договорот до Јавното обвинителство и денес тој треба да биде разгледан од судските органи.
Дека проектот веќе стартува докажува и тоа што Јавното претпријатие за државни патишта веќе го објави огласот за вработување работници кои ќе работат на изградбата на четирите автопати.
Огласот е отворен до 25 април, а договорот е до 22 јануари 2028 година, до завршување на проектот.
Работното време е 40 часа неделно.
Најплатена позиција на огласот е помошник на главниот и одговорен координатор на проектот, кој треба да биде градежен инженер. За оваа позиција е предвидена плата од 70.052 денари со осумчасовно дневно работно време во прва смена.
Дали кампањата против Бехтел и Енка и коридорот 8 и 10 е спонзорирана?
Целата кампања изгледа како добро смислена, со оглед дека се вклучени познати личности, невладини организации и медиуми кои со недели го рушат кредибилитетот на Владата и американската компанија.
На социјалните мрежи веќе се отвори и прашањето дали анти-кампањата е поврзана со информацијата дека во скоро време Американската влада треба да ја објави црната листа на политичари и бизнисмени од Македонија кои ќе добијат санкции заедно со нивните семејства и компании поради корупција, криминал, но и кршење на санкции кои САД ги има кон Русија…
Можеби ќе ве интересира…
Од 19:15 часот регионалниот пат Охрид-Свети Наум, кај с.Љубаништа, поради одрон на патот, сообраќајот е во целосен прекин. Прочитај повеќе
За оние кои летово планираат да возат до најблиските плажи во соседството, најважно е колку ќе чини да се наполни полн резервоар со гас, пишува Б92. Најевтино ќе биде ако… Прочитај повеќе
По одлуката на Управниот одбор на Стопанската комора на Северна Македонија за основање, се одржа конститутивна седница на која се формираше Националната асоцијација на туроператори и туристички агенции на Република… Повеќе
Зајакнување на позициите на пазарите, градење препознатлив бренд со географска индикација и успешна трансформација кон органско производство се основите за успех на македонската винска индустрија. Ова се современите трендови во… Повеќе