Дел од опозицијата која често е анти-американски настроена е главната тупаница на хистеријата и кампањата против американско-турскиот конзурциум Бехтел и Енка, кој ќе ги гради новите автопатишта од коридорот 8 и 10.
Но, несомнено се работи за добро смислена и организирана кампања во која се вклучени политичари, невладини организации, политички партии и медиуми кои имаат задача да го срушат кредибилитетот на американската компанија.
Од СДСМ денеска излегоа со обвинување до опозицијата дека скандалозно и неодговорно опозицијата да ги обвинува САД и изведувачот Бехтел за корупција.
Изградбата на делниците од Коридорот 8 и Коридорот 10Д е историски најголема инвестиција во патната инфраструктурата, нешто за што се зборуваше со децении, денес се реализира и тоа е во интерес на граѓаните и државата.“ – велат од СДСМ.
Утре во Собранието треба да продолжат комисиите за труд и социјална политика и за економски прашања, каде се разгледуваат Законот за работни односи кој доби 1.117 амандмани, како и Законот за минерални суровини, два од осумте кои пратениците ги предложија, а кои произлегуваат од Договорот кој државата го потпиша со „Бехтел и Енка“, како барања на фирмата за завршување на изградбата во рокот од пет години.
Моментумот на нападот врз американската компанија, доаѓа и во време кога се очекува САД да ја обелоденат црната листа во која се очекува да бидат вклучени македонски бизнисмени и политичари поврзани со корупција, а би можело да следуваат и санкции за нив, нивните компании и семејства.
Коридорот 8 и коридорот 10-Д ги гради американскиот ’Бехтел‘ во конзорциум со ’Енка‘.
Тоа ќе биде најголем инвестициски и инфраструктурен проект во државата од нејзиното осамостојување вредна повеќе од милијарда евра.
