Centar.mk
вестМАКЕДОНИЈАТОП ВЕСТИ

Честитка на Зечевиќ: Значењето на Велигден испраќа силна порака, да правиме добри дела и да работиме за светла иднина на целиот наш народ

Генералниот секретар на СДСМ Миле Зечевиќ Вардарски, по повод големиот христијански празник Велигден, упати честитка до сите православни христијани, како и до поглаварот на Македонската православна црква – Охридска архиепископија, г.г. Стефан и светиот Архиерејски Синод.

„За многу години Велигден!

На сите православни христијани им го честитам големиот празник, посакувам да го минат во добро здравје, спокој и мир, заедно со своите најблиски.

Значењето на Велигден е силна порака дека животот ја победува смртта со добри дела, човечност, љубов и цврста верба. Стремежот за подобро утре, праведен и правичен свет е толку силен што поттикнува и сопствена жртва за општо добро.

Како што значењето на Велгиден буди надеж во новите почетоци, со меѓусебно почитување, да подаваме рака, да правиме добри дела и да работиме за подобро утре, за светла иднина на целиот наш народ.

Христос Воскресна, навистина воскресна!“ стои во честитката на генералниот секретар на СДСМ, Миле Зечевиќ Вардарски.

Можеби ќе ве интересира

СТИГНУВА СТУДЕН БРАН ВО МАКЕДОНИЈА – Дожд, силен ветер и снег на планините, температурите нагло ќе се намалат

ДЕСК

ВЕЧЕРВА СПРОТИ АРАНЃЕЛОВДЕН – Кои обичаи се негуваат во домовите и што се прави утре на големиот празник?

ДЕСК

УТРЕ Е ГОЛЕМ ПРАВОСЛАВЕН ПРАЗНИК – Се слави Свети Архангел Михаил, небесниот заштитник и предводник на ангелите

ДЕСК