Комисијата за деловнички и мандатно-имунитетни прашања на Собранието, пратеници, претставници на службата и експерти од областа, присуствуваа на работна средба на која се дискутираше за процесот на унапредување на системот на парламентарната етика.
Средбата беше во организација на Програмата за парламентарна поддршка (ППП), Центарот за управување со промени (ЦУП) и Националниот демократски институт (НДИ).
На средбата беа презентирани и наодите од истражувањето на перцепцијата на граѓаните за етичкото однесување на пратениците, кое го спроведе ЦУП.
Настанот се одржа во просториите на Парламентарниот институт во Собранието на Република Северна Македонија.
