Вчера попладне, во 18.45 часот, во ОВР Кавадарци било пријавено дека на регионалниот пат Кавадарци – Неготино се случила сообраќајна несреќа помеѓу товарно возило „сканија“, управувано од Т. Р. (51) од с. Возарци, Кавадаречко, и патничко возило „фолксваген голф“, управувано од М. М. (22) од с. Сопот, Кавадаречко, двете со кавадаречки регистарски ознаки.
Во несреќата тешки телесни повреди добил возачот на патничкото возило М. М., а телесни повреди добил Т. Р., констатирани во ЈЗУ Општа болница Кавадарци.
По овластување на јавен обвинител, увид на местото извршила екипа од ОВР Кавадарци.
