Centar.mk
МАКЕДОНИЈАТОП ВЕСТИ

Кулеба до Османи: Демонстрирате силно лидерство

Министерот за надворешни работи на Украина Дмитро Кулеба, при денешното обраќање на состанокот на Јадранската повелба, формат познат како А5, истакна дека Северна Македонија демонстрира исклучително лидерство оваа година со поттикнување на работата на неколку меѓународни и регионални организации, вклучително и Јадранската повелба и ОБСЕ.

„Руската агресија против Украина е најгрозоморниот напад врз меѓународниот мир и безбедност од Втората светска војна. Тоа ја загрозува мојата земја, Европа, Северна Америка и сите мирољубиви нации на ОН. Нема да биде претерување да се каже дека иднината на евроатлантската безбедност се решава на бојното поле во Украина. Од клучно значење е Јадранската повелба да се прилагоди на новата реалност во светлината на тековните безбедносни предизвици. Ги поздравувам вашите планови за зајакнување на политичката улога на Повелбата и изнаоѓање нови безбедносни механизми за регионот“ – истакна во своето видео обраќање Кулеба.

Тој на шефот на македонската дипломатија му посака успех и изнаоѓање ефективни решенија за обезбедување на безбедноста во иднина и се заблагодари за досегашната поддршка која ја добива Украина.

Можеби ќе ве интересира

МИЦКОСКИ НА СОСТАНОК СО ГЕРМАНСКИОТ КАНЦЕЛАР МЕРЦ – Македонија ја потврди поддршката за праведен и траен мир во Украина

ДЕСК

СИЛЕН ВЕТЕР НАД 80 КМ/Ч ЈА ЗАФАЌА МАКЕДОНИЈА – УХМР предупредува на обилни дождови во текот на ноќта

ДЕСК

ТЕПАЧКА МЕЃУ ЧЕТВОРИЦА ВО КРУШЕВСКО СЕЛО – Нарушен јавниот ред и мир, следуваат поднесоци

ДЕСК