„Северна Македонија практикува европски вредности и немаме сомнеж дека одиме по исправниот европски пат. Јас и сите во Владата веруваме дека земјава има политилчки капацитети кои може да придонесат по скринингот со динамично темпо да влеземе во преговорите и до 2030 година да станеме членка на ЕУ“ изјави премиерот Димитар Ковачевски на прес-конференцијата по Советот за стабилизација и асоцијација.
Тој додаде дека добил уверување од Европската Унија дека ќе го интензивира ангажманот на сите нивоа за поддршка на политичката, економската и социјалната трансформација на државата.
„Владата е подготвена да работи на унапредување на социјалните и економските реформи и на опиплив напредок на владеењето на правото“ рече Ковачевски.
Премиерот истакна дека Владата во наредниот период ќе вложи максимум напори за реализација на активностите со цел натамошно динамизирање на пристапниот процес кон Европската Унија.
ПОПУЛАРНО НА ИНТЕРНЕТ...
