Надлежните институции, антикорупциската комисија, Обвинителството, по допрен глас, да ги истражат наводите за имотот на Христијан Мицкоски и да ја информираат јавноста, порача владејачкиот СДСМ утрово преку соопштение.
„Повеќе медиуми деновиве изнесоа информации дека семејството на Мицкоски има куќа во Козле, која, според нивни процени, е вредна над 1 милион евра.
Медиумите исто така објавија дека членови од неговото потесно семејство имаат броен недвижен имот на повеќе локации, во Скопје, Охрид и во Црна Гора.
Јавноста очекува одговор како се стекнуваат милионски имоти со просечна плата на универзитетски професор или зад трупањето имот се крие нешто друго.
Добро е позната кавгата на Мицкоски со Данела Арсовска, која го обвини за рацете во медот.
Во тек е истрага за случајот „Делчевски ниви“, во кој постои основано сомневање за вмешаност на лица од ВМРО-ДПМНЕ и случајот води директно до белиот дворец.
Христијан Мицкоски да одговори пред јавноста за овие информации, за куќата на блиското семејство и за информациите за милионскиот имот, што ги објавуваат медиумите“, се наведува во соопштението на СДСМ.
